إزاي اطفش عروسه بابا ( مكتمله جميع الفصول)

دخلت صباعها في عينه _ صباعي هفقع بيه عينك لو تريقت عليا تاني فاهم يا عمو .. 
سليمان بيتنطط و من وجعه بيفرك فعينه _ نت لسا هتفقعيها فقعتيها عيني راحت يا طارق ياخويا عيني البنت ديه خطيره و لازم تطلع من هنا .. 
طارق رفع صباعه في وشها نطق بلهجه شديده _ اسمعيني نت .. 
غفران قبل ما يكمل عضت صباعه المرفوع فوشها خلته يصوت بوزت _ مترفعش صوتك عليا .. 

اتعصب بيلف حولين الشقه عايز يمسكها يأذبها بس طارق بيحاول يوقفهم عاملين دوشه و لو قلقو نومة للي نايم فنص الصاله و فاق هيموتهم كلهم و للي خاف منه حصل ..
مين الحيوان للي صحاني من نومي .. 
غفران برقت و هي شايفه طارق و سليمان بيشاورو عليها باين خايفين منه كشرت _ متبصليش كده هما للي خاطفيني عايزين يقعدوني وسط الكركبه ديه يعني يرضيك يا عمو غفران الحلوه تفضل في بيت زي ده .. 
خلاص اسكتي شويه بطلي رغي صدعتيني مبتفصليش اعملو للي قالتلكو عليه .. 
سليمان برق _ نعم بس يا مؤمن .. 
مؤمن بيشد ع الحروف مبحبش أعيد كلامي .. 
غفران برفعة حاجب _ يلا اشتغل من سكات .. 
سليمان بيوشوش _ البنت ديه ھخنقها بإيدي أطلع روحها ..  
مؤمن فرد ذراعاته ع الكنبه_ تعاليلي هنا خليني أشوف البنت للي جايبنها المره ديه .. 
غفران قربت منه خطتين و رجعت ثلاثه ورا فكرها خاڤت منه بس فاجأته بالسؤال بمنتهى البراءة _ بتحب النظريات العلميه يا عمو .. 
مؤمن استغرب _ لا مبحبهاش .. 
غفران بطفوليه _ حسبتك بتعمل تجربة علميه بتختبر قد إيه الواحد ممكن يعيش من غير ما يستحمى ما دام مش كده يبقى قوم استحمى .. 
مؤمن برق _ نعم .. 
غفران _ ريحتك وحشه قوم استحمى ..
يتبع ..