روايه ـ ماساة ـ حوريه (كامله حتي الفصل الأخير) بقلم فريده احمد

مأساة حورية 
فتح بوابة البيت ودخل وطلع علي السلم علطول وهو متجه لشقه اخوه 
لكن قبل مايوصل لشقة اخوه واللي هي في الدور الثالث وقف قدام شقة الاول وهو بيتنفس پعنف وفتح الباب ودخل الاول وهو واخد قراره انو هيخلص عليهم الاتنين
بس الغريب واللي فاجأه انو بمجرد مافتح باب اوضة النوم وفتح النور وقبل مايتحرك ناحية الدولاب ياخد 

عند حورية 
كانت خرجت من الحمام وهي تايهة ومصډومة بس قررت في نفسها انها مش هتعرفو انها عرفت ومش هتتسرع وهتفكر بهدوء ولحد ماتدور وراه وتعرف مين دي اللي بيجبها الشقة وقتها تبقي تتصرف وتعرف تاخد حقها كويس وټنتقم منه
اتنهدت ودخلت اوضة تانيه وقفلت علي نفسها
وقفت ورا الباب وغمضت عيونها وهي حاسه بالم شديد في قلبها وهي بتقول يااارب ماليش غيرك اشتكيلو
بس الغريب واللي كانت حاسة بيه ومستغربة نفسها عليه ان خيانته مكانتش فارقة معاها وكأنها فقدت الامل فيه ويأست منه بس كانت بتعد نفسها انها هتنتقم من على كل حاجة وقريب اوي بص كانت بتقول لنفسها الصبر
اتحركت ووقفت قدام المرايا وهي بتبص بدموع 
فتحت درج التسريحة واخدت الكريم وابتدت تحط علي الكدمات اللي في جسمها بحزن والم 
وبعد ما انتهت لبست هدومها وقربت علي السرير ورمت جسمها بتعب وهي بتحاول تنام
في اللحظة دي فتح محمد الباب عليها بعد ماانتظرها كتير في الاوضة ولما لاقها اتاخرت قام يشوفها
واللي بمجرد مافتح باب الاوضة ولاقها نايمه قال باستغراب انتي اللي منيمك هنا 
كانت صاحية وسمعاه بس مردتش
محمد حورية
فتحت عنيها بضيق وقالت نعم 
محمد بتعملي ايه هنا 
حورية زي ما انت شايف نايمه
محمد ايوا اللي نيمك هنا مش فاهم مجتيش تنامي في الاوضة التانية ليه 
حورية بهدوء انا مرتاحة هنا لو سمحت اقفل النور خليني انام لأني تعبانة ومحتاجة ارتاح 
وفقط شدت الغطاء عليها وغمضت عيونها مصطنعة النوم 
اما هو حب يسيبها براحتها طفي النور لكن قبل مايخرج من الاوضة قرب عليها راسها بهدوء 
وهي بمجرد ماحست بيه تلقائي قفلت عيونها جامد وجسمها اتجمد لكن مصدرش منها اي رد فعل 
وهو بعدها خرج علطول 
في شقة امجد ورشا 
رشا اول ماحست بيه فتحت عيونها وقالت باستغراب امجد انت جيت امتا 
امجد اللي كان قاعد علي الكنبة اللي في الاوضة وبيخلع جزمته قال لسه حالا 
قامت اتعدلت وقربت عليه وقالت بس انت مقولتش ليه ان انت هتيجي 
امجد بصلها وقال بغموض قولت اعملهالك مفاجأة 
ابتسمت رشا وقالت دي احلي مفاجأة 
وقربت وهي بتقول انت اساسا كنت واحشني اووي 
بعدت وقالت وهي بتمسك وشه متعرفش قد ايه السفرية دي غير اي مرة 
وقربت باسته وقالت انا مش مصدقة
بعدت وكملت مبسوطة اوووي اني شايفاك دلوقتي 
كل ده وامجد بيبصلها بس بغموض بعدين قال بهدوء اتصلت علشان اتطمن
عليكي بس مكنتيش موجودة 
الغريب ان رشا مظهرش عليها اي علامات ارتباك او توتر لكن عقدت حواجبها وقالت امتا ده 
امجد من ساعتين تقريبا 
رشا اكيد كنت تحت عند خالتي 
ثواني وكملت بتفكير ااه او يمكن لما طلعت لمحمد اخوك ا 
قاطعها امجد علطول من غير تفكير طلعتيلو ليه 
ردت رشا بكل بساطة وقالت طلعتلو اكل اصل انت متعرفش اټخانقو هو وحورية وحورية سابت البيت 
ولما رجع حضرتلو عشا وطلعتهولو ما انا زوقيا مكانش ينفع اسيبه كده يبات من غير عشا خصوصا ومراته مش موجودة ولا انت شايف ايه
وقبل ما امجد يتكلم كملت رشا وقالت ببراءة مصتنعة لو شايف انو مايصحش قولي وانا مش هعملو حاجة تاني
لكن

رد امجد
عليها خلاها تطمن علي الاخر وهو ده اللي كان قاصده انه يحسسها