رواية" جنون العشق" (الفصل السادس عشر 16)بقلم دينا عبدالله
انت في الصفحة 2 من صفحتين
راحت كريمه و غاده علي المطبخ وبدأو يجهزو الاكل ودخلت جوري وبدأت تذاكر لحد ما يخلصو...
باسل پصدمه: مشيو ليه حصل ايه
حكت له مرفت علي كل حاجه حصلت من لما اټسممت جوري لحد ما طردو ساره من البيت... مكنش مصدق ان كل دا حصل في غيابه
اسيل بدموع وحزن: انا عايزه جوري... رجعولي جوري عندي
مسحت مرفت دموعها بحنان وقالت: مټخافيش هترجعي تشوفيها تاني
جريت عليه پخوف وقالت: مالك حصل لك ايه
ياسين بضيق: متقلقيش خڼاقه بسيطه
باسل: ومين دا اللي عمل فيك كدا.... انت مش هتتعدل ابدا
ياسين بضيق: باسل انا مش ناقصك خالص
وسابهم وطلع علي اوضته وهوا بيتواعد لـ كريم... بصتله مرفت وقالت: ربنا يهديك ويصلح حالك يا بني
جي فوزي ومعاه كريم وقعدو علي السفره وحطت غاده و كريمه الاكل جت جوري رحبت بيهم باحترام وقعدت جنب كريمه.... بصلها كريم وافتكر كلام ياسين كان مدايق من اللي قاله بس مبينش وابتسم لها
بعد ما خلصو اكل... قعدو في الصاله مع بعض وفوزي شكر في الاكل لانه كان شهي و مظبوط
غاده: كريم قالي انك مصره وعايزه تشتغلي صح
غاده: طيب بصي انا اخويا عندو مطعم بس هوا مسافر والمطعم مقفول وقالي لو عايزه افتحه في اي وقت براحتي... ف انا فكرت اي رايك نفتحه انا وانتي ونشتغل فيه سوا واهو نتسلي بدل قعدت البيت..... وان شاء الله اللي هنكسبه كل شهر هنقسمه بما يرضي الله ما بينا ها قولتي ايه
كريمه بابتسامة: وانا معنديش مانع
غاده: طيب علي بركة الله ننزل ان شاء الله من بكرا نجهز كل حاجه اتفقنا
كريمه: اتفقنا
حس فوزي ان كريم مش واخد راحته فقال: خد جوري واقعدو اتكلمو سوا علي راحتكم
هز كريم راسه بابتسامة.... خد جوري وراحو قعدو في البلكونه... حست جوري انه عايز يقول حاجه.... لاحظت علامه في وشه مكان ما ياسين ضربه
بصلها كريم وقال: اه... عايزه تعرفي مع مين
بصتله جوري باستغراب من نبرة صوته وقالت: مين
كريم: ياسين
اڼصدمت جوري و معرفتش تقول ايه... لاحظ صډمتها وقال: جوري قوليلي بصراحه في بينكم حاجه
اتوترت جوري بعدين قالت: حاجه زي ايه يعني
كريم: انتي بتحبيه
جوري: انت جبت الكلام ده منين
كريم: ياسين قالي انك بتحبيه وعمرك ما حبتيني وكمان هددني انه هياخدك مني
اڼصدمت جوري مكنتش تتخيل ان ياسين هيعمل كدا... مسك ايدها بحب وحزن وقال: ارجوكي قوليلي الصراحه... من غير كدب انتي بتحبيه
بصتله جوري شويه بعدين قالت..........
#يتبع
