روايةـ اختطفني وانا صغيره ـ ( الفصل الحادي عشر 11) بقلم مريم الشهاوي

إختطفني_وأنا_صغيرة
البارت الحادي عشر
صلوا على الحبيب
حازم بشفقة عرفت... عشان كده اختارت أقرب طيارة نازلة مصر..وحجزتها اطلعي إلبسي... راجعين مصر.
ليلى بصتله پصدمة وهي مش مصدقة أنت بتتكلم جد يا حازم... يعني... يعني أنا خلاص... هشوف بابا !
دموعها نزلت بفرحة أخيرا جيه اليوم اللي هشوف فيه أبويا بعد كل السنين دي كلها.

حازم حط إيده على خدها بحنان أيوة بجد.... يلا اطلعي غيري بسرعة عشان منتأخرش علطيارة.
ليلى جريت على فوق وغيرت هدومها وفي خلال دقايق كانت جاهزة نزلتله وهو خلى فيرونكا تحضرله هدومه عشان هيسافر معاها أيوة لازم يفضل معاها هي آخر مرة شافت مصر كان عندها تسع سنين لازم يكون معاها لحد ما يوصلها لباباها لبر الآمان ويبعد... أيوة هيبعد... قبل ما تكتشف أي شيء.... وخليه يفضل ذكرى حلوة في دماغها قبل ما تتوسخ.
طلعوا علمطار هما الاتنين وركبوا الطيارة وليلى اتضح إنها پتخاف جدا من الطيارة وابتدت أنفاسها تعلى وهي الطيارة بتبعد عن الأرض
مسكت إيد حازم وغمضت عينيها پخوف إحنا إحنا... بنبعد عن الأرض... حازم متسيبنيش.
حازم حط إيده التانية على إيديها مټخافيش أنا جمبك...غمضي عينك و عدي من واحد لمية وبعديها هتكوني كويسة.
عقبال ما ليلى خلصت عد كانوا في السما وطول السفر ليلى فرحانة وعمالة تفكر هتقابل باباها إزاى... هي مش مصدقة... مش عارفة تظبط الكلام اللي هتقولوا له فضلت ترتب في كلام وحوارات تحصل في دماغها بينها وبين باباها أما يشوفوا بعض وبتتخيل نفسها معاه وبيخرجها زي زمان ويحضنها ويدخلوا سينما سوا كانت ذكريات بسيطة أوي لكن فضلت عليها طول حياتها تفتكرها وتتمنى تحصل تاني....دقايق وساعات بتمر عليها بالبطيء وحست إن الأربع ساعات دول كانوا أكتر عليها من العشر سنين وتقال أوي...
كانت متحمسة ومستنية الوقت اللي تهبط فيه الطيارة بفارغ الصبر وتجري تحضن أبوها........
آسر بعد عنها وبص في عينها مسك إيديها واتكلم بسكر وهو موجوع أنا... لسه مش متقبل فكرة بعدك عني وجوازك من شخص تاني....! كانوا دايما كل اللي حواليا بيحاولوا يقنعوني اني اكمل وموقفش حياتي بعديك وإني أعيش حياتي وإن الحياة مش بتقف على حد... بس أنا فعلا حياتي وقفت عليك وقفت من ساعت اليوم اللي اتطلقنا فيه.... حياتي انتهت من يوميها وبقيت مكمل وأنا مستني أقابلك أو ربنا يقبض روحي حاجة من الاتنين..... مكنتش بفكر غير فيك وعمال أدور عليك زي الطفل اللي ضايعة منه لعبته المفضلة...... أنا حبيتك أوي يا سمر... فإزاي هقدر أنساك وأكمل..... حبيتك لدرجة العشق.... طب أنت إزاي نسيتيني بالسهولة دي.... معقول أكون حبيتك من طرف واحد... 
سمر أخدت نفسها بصعوبة واتنهدت بحزن خلص وقت الكلام ده يا آسر... دلوقتي أنا اتجوزت وسعيدة بجوازي ده... مش فرحان بسعادتي 
آسر پألم تؤ..... مش فرحان... بيقولوا إن الحبيب بيفرح لحبيبته لما يشوفها فرحانة حتى لو مع غيره المهم إنها تكون مرتاحة.... أنا لا..... أنا أناني وبعترف بده... أنا مش فرحان لإنك بقيتي ملك حد تاني بعد ما كنت ملكي أنا... 
سمر قامت وقفت واتنهدت خليني أمشي الوقت اتأخر.
آسر قام وقف قصادها لا لا... خليك شوية يا سمر... أنت وحشاني...
مسك وسطها وقربها ليه وسند راسه على راسها بشغف مشتاق لقربك مني... لأنفاسك... لريحتك.... لسه لحد دلوقتي بتشقلبي كياني زي زمان ومبقدرش أسيطر على نفسي قدامك....
قرب منها أوي بس سمر بعدت عنه بسرعة أنت سکړان يا آسر.... سيبني أمشي... وابعد عني أنا بيني وبينك طفل مش همنعه عنك متقلقش